好多學生問我,究竟考牌最緊要嘅係咩?最易犯嘅錯又係咩呢?

我會解釋,既然你揸住架幾噸重既車,而考試又只有30分鐘去證明你可以應付路面情況,有保護自己能力,唔會影響其他道路使用者,有3種心態係要克服嘅.

心急--好想快D掌握交通情況,所以睇野會全面D反應快D.同時亦代表,佢地會想早D起步,遲D停車,快D轉彎,急停衝燈抽頭過車,不顧後果,唔留一點餘地俾自己.

恐懼--太過謹慎,諗太多,會行得慢,就算前路根本暢通無阻.但係佢地又驚阻住人,明明自己頭車都想讓俾人行,唔利用自己嘅行駛優先權.有D學生會自己嚇自己,後鏡見到有車扒頭以為會撞車,驚到不知所措,有突發行為.

懶醒--學野快,知道有D情況可以走精面,唔一定要做足.但係考試唔答題就係錯,唔可以當你識.

下一篇開始,我會根據英國DVSA統計出黎嘅十大肥佬原因,再配合香港"黃紙"上面嘅相對項目去講解一下,如果你地有咩想知,可以喺Facebook留言,我再補充.