學車考牌咩最緊要? (二)

2018/03/20


作為一個有責任心嘅駕駛者, 喺開始學車果陣, 我地就要同時培養一種意識, 就喺注意3類人嘅安全, 一係你自己, 二喺乘客, 三喺其他道路使用者.

你身體狀況適合揸車麼?


視力清唔清楚, 需要戴眼鏡? 所以考路試第一個項目就喺視力測試, 要睇到23米外嘅車牌.
有無可能受到藥物影響? 用開嘅藥會唔會令你眼訓? 會唔會發現自己其實好攰甚至喺唔舒服呢?
或者因為天氣凍, 落枕呢類短暫影響肢體活動嘅問題咁, 呢D令你難以集中嘅原因都要留意下.

酒精

會影響判斷力, 亦有法例監管, 我想提嘅喺, 每個人體質唔一樣, 究竟飲幾多, 或者飲左幾耐之後先開始出現影響無人會知, 所以

揸車前咪飲!

藥物, 就唔使解釋了吧.

疲勞, 眼訓, 會減慢反應, 判斷力, 難以集中精神, 甚至四肢無力.


又, 盡量避免凌晨時份揸車, 因為身體時鐘令我地果段時間喺要黎休息用, 好易眼訓.
所以, 應該預計下當日嘅活動對身體嘅影響再去選擇揸唔揸車, 而如果開始察覺到眼訓,
先稍為休息下, 開窗等空氣流通D, 甚至暫時停一停喺安全地方, 減低發生意外嘅風險.
仲有可以喺揸車前20~30分鐘飲D含咖啡因嘅飲品, 不過我就寧願選擇果日唔揸車了.