10個你似懂非懂嘅肥佬原因 Part Three
2018/02/22
|
事不而遲, 承接上一篇, 去片!
第七位、開行-車輛溜前/溜後
唔好以為呢樣只會發生喺棍波車度, 自動波上/落斜起步, 停燈位, 考緊乙部都有機會, 學車嘅時候教車師傅會教.
第六位、未能在適當行車線上行駛
好多人誤會左呢項喺行錯左去人地條線,但係如果睇埋英文版嘅黃紙,呢個項目叫做"Fail to keep in proper lane",
即係話,"行唔正係自己條線裡面",所以包括行唔到直線,踩界.
第五位、開車(未有查看交通情況)
點解開車未有查看交通情況咁簡單居然會係第五位? 咁大家就要諗下,你自己有無喺例如燈位,塞緊車,路口,斑馬線等等呢D有機會停左車再起步嘅情況,
都有查看交通情況了.就算有,又喺咪喺正確嘅時機做呢? 記得問返教車師傅.
第四位、路口(轉彎時位置不正確)
留意個句子喺話轉彎時,即係由起手扭軚,扭幾多,幾時回嘅時間點,因為咁會影響到架車有可能距離石壆太近/遠,上壆, 走左過隔離線等等,
所以多數唔會只喺肥呢樣,最常見就喺同第三位打孖上.
第三位、軚盤控制不當
正如樓上咁講,個彎轉得唔靚就梗係因為軚盤控制不當, 亦都有機會係因為架車行唔到直線, 或者調頭扭死軚咁.
第二位、轉換行車線前未有查看交通情況
所謂轉換行車線前,即係扭軚之前,所以查看嘅時機亦都係重要嘅,扭緊軚或者扭完軚先查看就係錯.
第一位、路口(未有查看交通情況)
呢樣,我反而覺得最主要喺因為學生心急想出多過真係無睇清楚,果種唔知出唔出好又驚阻住後面嘅壓力好易令到學生有想博一博嘅諗法,
其實,個情況令到自己猶豫嘅時候,往往即係唔應該出吧.
好了,希望幫到大家.
|